【天 佑 銀 河 慈 善 基 金 會】維也納之聲 · 共融青年｜國際音樂大師班2026 圓滿落幕！
- 7月8日
- 讀畢需時 2 分鐘
由 天佑銀河慈善基金會 主辦、油尖旺民政事務處 贊助嘅「國際音樂大師班2026」已經圓滿結束啦！今次活動一連十日（6月29日至7月8日）邀請咗三位來自奧地利維也納嘅殿堂級音樂大師嚟香港，親自教授本地同少數族裔青年，用音樂打破語言同文化嘅界限！
是次活動由 國際文化研學中心（IACE） 及 PLACES & FACES 攜手統籌，並衷心感謝 香港鐵路有限公司、美麗華集團、油麻地梁顯利社區中心 及 油蔴地街坊會學校 嘅場地贊助，讓音樂能夠走出排練室，走進社區公共空間，與廣大市民分享藝術之美。
活動亮點回顧
快閃表演：7月5日分別喺西九龍高鐵站同 Mira Place 舉行咗兩場快閃表演，由大師打頭陣演奏激昂嘅拉丁音樂，再帶領學員驚喜現身合奏，吸引多名市民駐足欣賞！場面墟冚～
成果音樂會：7月7日喺油蔴地街坊會學校舉行壓軸音樂會，學員同導師一齊演繹包括《Stand By Me》、《Spring》、《Silent Worship》、《He's a Pirate》及《Ah! How Pleasant ’Tis To Love》等多首經典作品，將十日密集訓練嘅成果完美呈現，獲得全場掌聲！
嘉賓到場支持
多位重量級嘉賓親身到場支持，包括物流處處長郭黃穎琦女士, JP、油尖旺民政事務專員李家維先生, JP、立法會議員陳宗彝先生、環境及生態局副秘書長余健強先生、油尖警區指揮官魏志崇總警司、旺角警區指揮官張立灝總警司、九龍南消防分區指揮官賴家恒先生、入境事務處前處長區嘉宏先生, SBS, IDSM, JP、油尖旺民政事務署助理專員黎鈺儀女士等等；現場亦有多位教育界人士、社區領袖及家長蒞臨，一同見證青年學員嘅音樂成果，為佢哋打氣！
今次活動不僅展現咗青年學員嘅音樂活力，更充分體現咗香港作為「中外文化藝術交流中心」嘅發展方向。基金會未來會繼續推動更多國際藝術交流，培育青年人才，共建共融社會！
紫荊雜誌報道：
堅料網報道：
旺角區少年警訊：
油尖區少年警訊：
